علق المعلق الرياضي الشهير أشرف شاكر على اختيارات حسام حسن المدير الفني لمنتخب مصر استعدادا لكأس العالم.
وكتب أشرف شاكر من خلال حسابه على موقع التواصل الاجتماعي فيسبوك قائلا:
ليه يتم استبعاد عمر كمال عبد الواحد وهو أحسن ظهير أيمن في مصر!
خلاف شخصي?
ليه تستبعد أحمد الشناوي وهو أحسن حارس مرمى في مصر وأفريقيا !
خلاف شخصي?
و إزاي تستبعد مصطفى محمد وهو أحسن رأس حربة في مصر !
خلاف شخصي?
من الواضح أنها مش اسباب فنية
و مش من المنطق إنك تاخد ٣ لاعبين فقط من نادي الزمالك وهو بطل الدوري.
اه عرفت ليه تم الاستبعاد يبقى المدرب ناوي يلعب بسبع ٧ مدافعين، ومش هيعدّي نصف الملعب، لأنه أصلًا مش عارف يعدّي نصف الملعب لأنه إمكانياته الفنية محدودة جدا خطط دفاعية
وبالتالي مافيش كرة هتوصل لـ محمد صلاح أعظم لاعب في العالم.
في مباراة إسبانيا الودية، إسبانيا لمست الكرة في منطقة الجزاء الهجومية ٣١ مرة، وإحنا ولا مرة
والغريب إن حسام حسن واللاعبين بيهنّوا بعض بعد المباراة، والأغرب إن اتحاد الكرة لسه باقي عليه!
ده معقول !! إحنا رايحين كأس العالم نمثل مصر مش بطولة محليه .
المفروض اللي كان يستبعد هو المدير الفني.
