تحدث الصحفى خالد طلعت المحسوب على الاهلى، عن الموقف الحالى الخاص بـ أزمة القيد فى نادى الزمالك.
حيث أشار الى أن مهلة الكاف متبقى عليها 5 أيام، وكل البنوك فى مصر أجازة، ومستحيل استقبال أو تحويل اى أموال.
وعبر صفحته الشخصية على موقع التواصل الاجتماعى فيس بوك كتب خالد طلعت نستطيع أن نقول محذراً :
احنا كده بدأنا الساعات الأولى في يوم الثلاثاء 26 مايو ، متبقي 5 أيام فقط على مهلة الكاف لنادي الزمالك لتسوية القضايا الـ 18 لايقاف القيد لدى الفيفا ، والقضايا كلها مازالت مفتوحة على الزمالك ولم يتم تسوية أي قضية.
دلوقتي البنوك كلها في مصر قافله من النهارده الثلاثاء لحد يوم الأحد الجاي اللي هو 31 مايو ، وهتفتح يوم الاثنين 1 يونيو بعد المعاد النهائي لاغلاق القضايا وبالتالي الزمالك مش هيقدر يستقبل اي فلوس ولا يحول أي فلوس لأي جهة خارجية.
كده الامور لو مشيت طبيعية ومنطقية يبقى الزمالك مش هيشارك الموسم الجديد في أي بطولة أفريقية ولا دوري الأبطال ولا حتى الكونفيدرالية ، وبكده الاهلي هيلعب مكانه في دوري الأبطال مع بيراميدز ، وسيراميكا وزد الاتنين هيلعبوا مع بعض في الكونفيدرالية.
الزمالك محتاج معجزة او استثناء من الكاف او مد المهلة عشان يقدر يسوي القضايا كلها ويقدر يشارك في بطولات افريقيا
