فسر احمد حسام ميدو، نجم الفريق الاول الكروى بالنادى والكره المصريه الاسبق، تصريحات محمد صلاح قائد المنتخب الوطنى الاول.
ونشر عبر صفحته الرسميه على موقع التواصل الاجتماعى "اكس":
وكتب: أكبر تضحية هو إنك يكون عندك القدرة المادية والجسدية والشهرة وكل الناس تتمنى تبقى حواليك وأنت تختار أنك تقفل على نفسك وتنام بدري وتاكل أكل صحي، وكل أصحابك رايحين الساحل يتبسطوا وأنت طالع في الصيف معسكر فترة إعداد مع فريقك ده غير الضغط العصبي والنفسي الكبير اللي بيقع عليك من الجمهور والإعلام لأنك نجم الفريق.
ومطالب أنك تكسبه كل أسبوع غير كده ما حدش هيسمي عليك، هو ده اللي كان يقصده محمد صلاح بأنه ضحى بشبابه، الحياة اختيارات وقرارات وصلاح قرر أنه يعيش للكرة وربنا كرمه آخر كرم لأنه تعب وضحى وكان راجل بار بأهله وأكرم كل الناس اللي حواليه، كلنا لازم نتعلم من صلاح كل شباب مصر لازم يحطوا صلاح قدامهم إن مفيش حاجة اسمها مستحيل.
