علق الناقد الرياضى محمد الجبالى على إشادة اللجان، وبعض المحسوبين على الاهلى، بعبقرية الاهلى الوهمية.
الاهلى اللى مدارى بس فى عقوده الكبيرة، والدعم اللامحدود له، والاعلام الجميل اللذيذ، وهو غرامات مدربية السابقين فقط، تتجاوز أزمات الزمالك كلها..
وعبر صفحته الشخصية على موقع التواصل الاجتماعى فيس بوك كتب محمد الجبالي معلقاً :
خرج علينا الكثيرين - وللأسف منهم كبار الصحفيين - يدافعون بكل قوة عن الإدارة العبقرية للنادي الأهلي التي نجحت في فسخ التعاقد مع الدنماركي توروب مدرب الفريق الأول بدفع ما قيمته 1.6 مليون دولار ،، وإعتبرت أن هذا نجاح يحسب للإدارة ويؤكد قدرتها على اتخاذ القرار وتحمل تكلفته وليس الهروب من التكلفة ،،،
بصراحة .. مش قادر أستوعب ليه فعلا لما يكون فيه ناس - المفروض بتحترمها - لما تيجي تتكلم في الكورة بتقلب ضلالية بل وهناك شغف وسباق على الضلال ،،، بيفكروني بالسوفسطائيين اللي كانوا بيقلبوا الحق باطل والباطل حق ،،،
وسؤالي لهؤلاء بدون تجريح ،،،
حضرتك أخر 6 مدربين أجانب دخلوا النادي الأهلي لم يكمل فيهم مدرب واحد عقده حتى النهاية .. تفسر ده بإيه ؟
على فكرة دي معلومة وواقع بالفعل حصل ..!!
والله عارف الإجابة مقدما ...
هيقولك يا عم روح فك القيد بتاع الزمالك والقضايا اللي في الفيفا 😂 .. المهم هتلاقي أي إجابة مالهاش أصلا علاقة بالسؤال أو الموضوع ..!!
