هاجم الناقد الرياضى محمد الجبالي، الاعلامى امير هشام المحسوب على النادى الاهلى، بسبب اخباره المتضاربه ضد الزمالك.
ونشر عبر حسابه الرسمى على موقع التواصل الاجتماعى "فيس بوك":
وكتب: الزميل العزيز أمير هشام ،،،
حضرتك بتقول أنا هقول معلومات وأرقام دقيقة جداً عن الزمالك
وأنا بقولك .. لا هي مش دقيقة خالص ،،،
واللي وصلك المعلومات والأرقام اللي ذكرتها النهاردة عن الزمالك .. إنسان غير أمين ولا يصلح أن يكون داخل النادي ..!!
أولاً : الدكتور محمد أسامة مكنش بياخد 50 ألف في الشهر
ثانياً : طبيب الفريق الأجنبي من أول ما اشتغل في الزمالك لحد دلوقتي مقبضش شهرين أو ثلاثة بالكتير
ثالثاً : عبد الرحمن إسماعيل مدير التعاقدات دافع من جيبة للزمالك ما لا يقل عن 3 مليون جنية لحد دلوقتي
رابعاً : فلوس لاعبي فاركو متدفعش منها غير قسط واحد لحد دلوقتي
خامساً وسادساً وعاشراً ... تقدر تقولنا طبيب الأهلي بياخد كام ومدير التعاقدات بالأهلي بياخد كام وصفقات الأهلي بكام ؟!
👇👇👇👇👇👇
نصيحة يا أمير ،،
مصدرك ده هيسوحك لأنه مبيحبش جون إدوارد وشغالها إنتخابات وهجاص وكداب وعمل بلاوي سودا في أزمة التذاكر الأخيرة ..!! هنعمل ايه .. ما هو عيل ..!! ربنا يرحمنا من شوية العيال !!
... وعلى فكرة ...
الساكت عن الحق شيطان أخرس ...!!
أنا لا ليا علاقة بمحمد إسماعيل ولا أعرف طبيب الفريق بس دي معلومات صحفية دقيقة عندي .. بس دقيقة بتاعتي غير دقيقة بتاعتك لأن بتاعتك من خلال مصدر مغرض ..!!
... وأخيرا ... يا أمير
إدخل على جروب أخبار برنامج مودرن سبورتس بتاعك وشوف الأخبار اللي مرسله لينا كصجفيين ... 12 خبر عن الأهلي و12 خبر عن الزمالك ... وقارن بينهم في المضمون وبين عناوين كل مجموعة ... !!
وأضاف خلال منشورآخر: استكمالاً للبوست السابق ،،،
ولأمانة التوضيح ،،،
تلقيت إتصالاً هاتفياً من نادي الزمالك للتأكيد على أن الحملة التي قام بها أمير هشام اليوم على فريق الكرة بالزمالك سببها أنه طلب ظهور 2 لاعبين من الشباب معه في البرنامج اليوم وقوبل طلبه بالرفض ..!!
... وشكرا ...
بس أنا برضوه مازلت مصمم على ما ذكرته في البوست السابق
