علق المستشار محمد عطية عضو اللجنة السابقة التى كانت تدير النادى على دعوة هيثم فاروق لاعب الزمالك السابق بالاشتراط بكثافة فى تطبيق زملكاوى.
دعوة حاول المغرضون التقليل منها، ليعلق محمد عطية على هذا الحديث.
وعبر صفحته الشخصية على موقع التواصل الاجتماعى إكس كتب المستشار محمد عطية معلقاً :
عظيمة دعوة الصديق العزيز كابتن هيثم فاروق .. والحقيقة إن محاولة ربط الاشتراك فى الابلكيشن بكونها تسول ده نوع من التدليس البيَن ..
إنت بتاخد خدمة مقابل ثمن مفيش حد ممكن يشوف ده تسول إلا أصحاب التفكير العدمى .. حضرتك مشترك فى Bein, أو مشترك فى منصة عشان هى بتتسول ولا عشان بتقدم لك خدمة إنت محتاجها أو بتحبها ..
النقطة التانية ربط فكرة ان بدل ما تشترك اصرف على بيتك أو طلع الفلوس لله .. أولاً لو حضرتك مش قادر تصرف على بيتك واشتركت فإنت انسان غير مسئول وأصلاً غير مطالب أو مخاطب بالاشتراك .. وكون إن الأولى تطلع الفلوس لله فأكيد كل فلوس لله خير ..
لكن مين قال لك إن اللى بيشترك مش بيطلع ما عليه ويزيد لله .. ومين قالك انك مطالب بإنك تدفع كل فلوسك لله .. ومين قالك ان مبالغ بسيطة للترفيه دفعها حرام .. سيدنا الرسول فى حديثه قال (لو أنَّكم تدومون على ما تكونون عندي لصافحتكم الملائكةُ في طرقاتكم، وعلى فُرشكم، ولكن يا حنظلة ساعة وساعة) .. فحضرتك بتروح عن قلبك بمتابعة حاجة مش حرام ..
تشترك أو لا محدش مٌلزم إنه يشترك وهو حر تماماً لكن تحويل الأمر لأنه تسول أو حرام ده كلام مغلوط تماماً
