انتقد الفنان احمد رفعت فكرة التعليل لمصطفى شوبير حارس مرمى الاهلى ومنتخب مصر، بعد مباراة مصر والبرازيل بالامس.
وعبر صفحته الشخصية على موقع التواصل الاجتماعى فيس بوك كتب احمد رفعت منتقداً :
مصطفي شوبير👌 يعلم الله اني ابدا لم احاسبه ابدا بجريرة أبيه 👍 لكن انا مبحبش الهيصه والبهلله 🤚 لو جبت محمد علاء الحارس الرابع للمنتخب او المهدي او نص حراس فرق الدوري هيصدوا الكور اللي راحتله 😁😁 كورة فيني اصلا حاططها زي الزفت قالشه وضعيفه جدا ودي المفروض اصعب كوره... والباقي مفيش اي تميز او حاجه خارقه الا لو المفروض يبقي مفيش حارس.
تهللوا لما يصد تصديات خااارقه ساعتها نقول واااو يا شبربر 🤨🤨 انما احنا شعب معظمه يموت في التهليل الاهلويه ده العادي بتاعهم والزملكويه علشان يبانوا كيوت ومتحضرين 🤨🤨 شوبير لو محمد علاء او صبحي الاهبل بتاعنا اللي كان راكب عليه من خمس سنين.. اي حارس لو خد الثقه والفرص اللي خدها ابن شوبير كان بقا هايل..
احمد الشناوي لو استرجل قد شوبير عشر مرات.. ابوجبل لو حد دعمه كامكانيات حارس محدش هيقف غيره وكلنا شفنا مستواه كان وصل لايه.... شوبير حارس عادي ولسه داخل فيه في افريقيا والدوري اهداف من كل صوب وحدب.
والله ههلل معاكم لو شفت حاجه خارقه تصديات اعجازيه انما كوره مقلوشه وكوره من تلاتين يارده في زاويتي واقول الله ياشوبير ابقي بهلول... منتخب الاهلي لو اكرامي كان لسه موجود في الاهلي كان هيروح كاس عالم زي ما راح وهو مبيلعبش اصلا.. مروان محسن قعد خمس سنين راس حربة المنتخب وهو مبيعرفش يلعب واول ما مشي اتنسي.. قفشه وشريف اتعمل علشانهم حملات...
طول ما منتخب الاهلي مش هنشوف مواهب ولا مستوي وهنفضل رايحين في داهيه... لازم الاول اللعيب يروح الاهلي فيروح المنتخب بل ممكن يتم اختياره بمجرد انه يمضي في الاهلي واتنين حراس من الاهلي الاساسي والاحتياطي ده طقس في حفرية فرعونيه ..
والاعلام الملاكي هيجيبلك لقطة اليسون بياخد فانلة شوبير بس مش هيجيب من البداية انه اكييد شبربر هو اللي طلب الفانله الاول... ورافينا هيطلب فانلة حمزة مش مرموش او صلاح لااا حمزه وشبربر اصلهم قدموا اداااء ملفت وخااارق ((جنون) .. خليك عاقل مش بهلول.... ما بين مطرقة تشجيع منتخب بلدي الغالي وسندان فساد المنظومة الكرويه معظمنا يعاني
