انتقد الاعلامى كريم أبو حسين صمت مجلس اداره النادى، برئاسه حسين لبيب بشأن عدم الادلال بتصريحات تطمئن الجمهور عن ما يحدث فى ازمة ايقاف القيد.
ونشر عبر حسابه الرسمى على موقع التواصل الاجتماعى "فيس بوك":
وكتب: مجلس إدارة نادي الزمالك ده غريب والمصحف
جمعوا مبلغ محترم جدا يوصل ٢ مليون و٣٠٠ ألف دولار
ومطلعوش يقولوا ويطمنوا الجمهور
ليه معرفش والله؟
توصلوا لإتفاق مع صلاح مصدق وتقريبا معالي
ووفد سافر المغرب وخلص كل حاجة
ومطلعوش يقولوا
ليه معرفش ؟
الناس بتقول هاني بيرزي"الوحيد اللي مش هيترشح" اتبرع بمليون دولار يعني تقريبا ربع المبلغ إللي علينا
ومطلعوش يقولوا
طيب دول ٣ حاجات يخلوا الابليكشن في السماء
ويعملوا طفرة نوعية من حيث الإنفراد والتغطية والصور الحصرية
تخيل الابليكشن إللي كلنا هنموت عشان يبقي في السماء
وإنتوا مصممين تنزلوه سابع أرض
ياجدعان لما قعدت أقول أطلعوا اتكلموا وطمنوا الناس
والناس طلعت فبقي في ناس مع وناس ضد
بس في الاخر حققت مكاسب كتير
أطلعوا أتكلموا وقولوا عملتوا إيه ؟
يعني صورة حصرية لشريف صفوت مثلا مع مصدق في المغرب 🇲🇦
وكلمتين أن بعد قليل تفاصيل الجلسة والإتفاق علي قناة النادي أو ابلكيشن النادي
متخيل ده ممكن يعمل ترافك أد إيه علي الابليكشن متخيل إن من لم يشترك في التطبيق ممكن يشترك عشان خبر زي ده بس
بس كل ده مش مهم عندي
المهم عندي الجمهور الغلبان المطحون اللي مش بينام وقلقان وعمال يصرف من جيبه ويتبرع ويشترك عم النادي
أنت متخيل صورة زي دي ممكن تعمل إيه يا عم ولو نفسيا مع جمهور الزمالك
وانتوا هتخلوا الواحد يخرج عن شعوره وضبط النفس ملتزم به لحد يوم ٣٠ يونيو وبعدها محدش يلوم علينا بقى
نلتقي بعد الفاصل
