علق الاعلامى خالد الغندور على فكرة التباين الاعلامى فى مناقشة قضايا القطبين،حيث اعلامنا الجميل اللذيذ المحايد المطرمخ.
كما تحدث عن الاهلى فى كل الاحوال به عدد من الأخطاء الادارية، لكن لا يتم مناقشتها فى إعلامنا الجميل.
وعبر صفحته الشخصية على موقع التواصل الاجتماعى فيس بوك كتب خالد الغندور قائلاً :
أليو ديانج اللاعب المحترف المالي اللي جاله عرض قبل كده ب٧ مليون دولار الأهلي رفض التفريط فيه و قال ده يلعب في اوروبا و اقل حاجة ١٠ مليون دولار للموافقة على بيعه قبل ما يتم إعارته بعدها بسنة و نص للخلود السعودي ب٤٠٠ الف دولار.
رحل ببلاش من النادي الأهلي زي زيزو بالظبط اللي حاله عرض ب٥ و نص مليون دولار من نيوم اللي كان بيلعب درجة ثانية في الوقت ده يا تري الإعلام هيتكلم زي موضوع زيزو و الإستفادة المالية و الخسارة و هيلوم المجلس و لا هتعدي مرور الكرام
وتابع : رامي ربيعة رحل ببلاش و اكرم توفيق رحل ببلاش و اليو ديانج رحل ببلاش و الموسم انتهي و حسين الشحات و احمد نبيل كوكا فري حاليا و عندهم عروض والاهلي لم يجدد معهم بس حسام عبد المجيد لسه فاضل له سنة و الإعلام بيتكلم عن فشل التجديد حتي الأن.
