علق الفنان أحمد رفعت، على تعادل المنتخب الوطنى الاول مع نظيره بلجيكا، فى اولى مواجهات الفراعنه فى كأس العالم.
ونشر عبر حسابه الرسمى على موقع التواصل الاجتماعى "فيس بوك":
وكتب: أداء جيد للمنتخب.. محمد هاني الاهلاوي أداء رائع.. مهند لاشين لاعب بيراميدز عمل بلوك كورة هدف من لوكاكو بالماتش وهو بالمناسبة مشفتش حد زيه فدائي بلوكات بس طبعا محدش هيتكلم ولا شفت حد اتكلم عنه فتوح لاعب الاعداء الزمالك كان جيد جدا امام عاشور احسن لاعب في مصر بلا مقارنه كانيمكننا الفوز لو صدقنا نفسنا كابتن حس حتي لو الظروف بتساعده لازم النرجسيه والمصالح تحط التاتش بتاعها انا هنا الهيدكوتش وهطلع صلاح بما له من رمزيه غير انه كان هايل وفعال وهنزل بقي اكتشافي اللي انا ماشوفتوش مع اني سايب لاعب مصري تاني في شباب ليفربول ولسه مجددين له العقد لو انا دي مرجعيتي .. علي فكره حمزه واااعد جدا بس حسام اللي وضع ضغوط عظيمه عليهوشغل التعريض بقي بنزول كابتن زيرو اللي فاضل يحلف كل ماتش اني علي قدي ولا اصلح وكل ماتش بفقد معظم الكرات اللي هتجيلي بس انا هنزله وهسيب هيثم حسن اللي ممكن يمسكلي كوره بعد ما خرجت امام وصلاح اصل انا نرجسي مصلحجي وعنيد وهو كيفي كده .... ومش هلاعب تريزيجيه الخبره واللاعب المفضل عندي عشر دقايق وهنزل ابراهيم عادل اللي نسي الكوره وطبعا حمدي فتحي جوهرة حسام التي لا تفنى ولا تستحدث من عدم وهو كيفي كده هلاعبه على حساب عبد المنعم اللي اخترته بدون دقيقه رسمي من سنه وعلي حساب حسام عبدالمجيد احسن مدافع مصري وفي خط النص علي حساب اي حد المهم احسن لاعب في العالم عندي يفضل موجود لغاية اما يجيب جاز وهلاعبه ونج كمان هو كده في النهايه الحمدلله مع ان مستوي بلجيكا الفعلي كان يسمح بفوز تاريخي اول لمصر اه صحيح فيه بعضضضضضض جماهير نادي ياما عملوا حملات عالمنتخب وصلت لمقاطعة المنتخب مع حسن شحاته لما أصر انه يختار الحضري الحارس الاسطوري لمصر لما سابهم واحترف مع انهم معصيين نص لعيبة الكوكب علي انديتهم وقاطعوا المنتخب ودبحوه ايامها وحملات لما تم اختيار باسم مرسي في اوج تألقه مع الزمالك ولما اختار رقم تريكه... وعلي منتخب محسن صالح لان كان معظمه زمالك واسماعيلي وعلي منتخب كيروش علشان استبعد قفشه مارادونا وشريف رونالدو اه والله . ومدربين منتمين لغوا اجندات للمنتخب علشان يريحوا لعيبة ناديهم في الشامبيون ولبسنا تصنيف تاني ولاعبنا السنغال وما صعدناش ... وبعد كل ده بقوا وطنيين دلوقتي علشان نرجسي مصلحجي مدورها من ناديهم واكس ناديهم وناشئ ناديهم فبقوا وطنيين علشان بوصلتهم ناديهم والبوصله دلوقتي مظبوطه علي ناديهم وكل حاجه وعكسها... ربنا يهدي.... وربنا يوفق رجالة المنتخب ويبقوا رجاله ويصدقوا نفسهم... ومش مشكله النرجسي اللي هيقرفنا لو حقق نتايج واولها النهارده لما وجوبي يبقي معاه اسطوره زي صلاح في المؤتمر بعد المباراه ولم يحدث وكل المبررات خايبة وغير مقبوله
