آثار الفنان أحمد رفعت الجدل بشأن، إختيارات المدير الفنى للمنتخب الوطنى الاول حسام حسن.
ونشر عبر حسابه الرسمى على موقع التواصل الاجتماعى "فيس بوك":
وكتب: علشان نقفل موضوع الاعتراض من معظم جمهور الزمالك علي اختيارات الاخ حسام تخيلوا كده لو اختاروا الرمادي للمنتخب وهو الان محب للزمالك بعد ما دربه او حسام نفسه في فترة مصلحته مع الزمالك وكانت اختياراتهم من وجهة نظرهم كالتالي احمد الشناوي حراسة مرمي ومحمد الشناوي والمهدي... فتوح وحسام عبدالمجيد ومحمد اسماعيل و رامي ربيعه والونش وعمر جابر دفاع لما لا والزمالك اقوي دفاع في الدوري... خط الوسط دونجا وامام عاشور وقطه ومهند لاشين ومروان عطيه... والهجوم صلاح ومصطفي محمد ومروان حمدي وتريزيجيه وبعدين استبعد تريزيجيه في اخر لحظه لانه اعترض عليه من سنتين ففضل مرقد له واستبعده وضم عمر خضر ناشئ الزمالك اللي راح من زد لشباب استون فيلا تقريبا جمهور الاهلي كان عمل حملات للاطاحة برئيس الوزرا نفسي بس اهلاوي منصف من اللذين لم ينقرضوا يقولولي ماذا كان الوضع وقتها وهل سيقبلون بمن يقول لهم ساندوا هذا العوار واختيارات كيد العزال مع انها اوقع من اختيارات المنتخب الان اذا كان قاطعوا المنتخب علشان الحضري وعلشان قفشه وشريف ولما اتخانقوا عاللعيبه الاهم يلعبوا مع المنتخب ولا مع الاهلي في افريقيا علشان تعرفوا بس ان المناضلين الان من اجل المنتخب والله ما يفرق معاهم المنتخب وهما بوصلتهم الاهلي فقط واللي يقرا الكلام ده وينكره مناافق كبير وضميره عاوز عمره واه صحيح حسام ده اللي مش طايق كلمة نقد من ستوديو او لاعب سابق او ناقد كان بيقطع كل مدربين مصر واللعيبه في استوديوهات التحليل وهو مدرب..... ولما كان لاعب راح يضرب مدرب المنتخب محسن صالح عند بيته اه والله زمبقولك كده شغل بلطجه هو واخوه لما استبعدهم من المنتخب بعد واقعة محاولة حسام خطف الرشاش من الامن اللبناني احنا في هيستيريا ساعة تروح وساعه تيجي وكل حاجه وعكسها عيني عينك ربنا يوفق منتخبنا لاسم مصر حتي لو التوأم الملاسيع ممكن يعملوها برديه فرعونيه ينقشوها علي جدران المعابد لو فازوا مباراة بس اسم بلدنا هو الاهم وهو الباقي اللهم امين
