تحدث الإعلامي كريم ابو حسين المذيع السابق في قناة نادي الزمالك عن حلول يراها مناسبة
وذلك لحل أزمات الفريق الأول لكرة القدم بنادي الزمالك التي يتعرض لها دائماً
كتب كريم ابو حسين من خلال حسابه على موقع التواصل الاجتماعي فيسبوك تحدث قائلاً نصا:
لم يعد أمام نادي الزمالك سوى حل واحد مالوش تاني عشان نخلص من صداع فريق الكرة والهم والوش اللي بنعيشه كل موسم وهو سرعة إعلان شركة كرة القدم ⚽️
بصراحة وبدون مجاملة واللي عايز يزعل يتفضل ما فيش أمل غير شركة كرة وواحد أو مجموعة يجي يشيل الشيلة بغراماتها بقضايها بمشاكلها ومقدمات عقود اللاعبين بمستحقات الفريق بالقضايا المتبقية في الفيفا بكل حاجة بقطاع الناشئين خلينا نحافظ عليه 🤔😉
وللعلم الزمالك اسم كبير أو بيكسب وأي حد يرتبط اسمه بنادي الزمالك هيتعب موسم وبعدين هيبقى في السماء والله
تختلف تتفق شركة الكرة وحد يضخ ملايين لفريق الكرة هو الحل الوحيد للموسم الجديد والمنافسة بالاسكواد الحالي في بطولة أفريقيا
تختلف تتفق مبقاش في حل تاني او ننتظر موسم صفري بدون بطولات الموسم الجديد
أنا شخصيا معرفش النادي هيعرف يعمل ده ولا لأ
بس مبقاش في حل تاني
اللاعيبه عايزه فلوس
اللاعيبه عايزة مقدمات عقود
اللاعيبه عايزة المستحقات المتأخرة
السؤال بقي منين؟
الاجابة مافيش
يبقي لازم تسابق الزمن وتطلع بشركة الكرة
ويارب يارب تعرف تقنع ناس تستثمر فيها
ونرتاح بقي من الصداع بتاع كل موسم
عشان والله جمهور الزمالك جاب اخره
نلتقي بعد الفاصل
