رفض أحمد دويدار نجم الزمالك السابق كلام نُسب اليه من البعض عن حسام حسن ومنتخب مصر قبل المونديال
حيث نفى تماما أحمد دويدار أن يكون قال هذا الكلام عن حسام حسن ومنتخب مصر
وذلك عقب تأهل منتخب مصر الى دور الـ 16 في بطولة كأس العالم الحالية ومواجهه الأرجنتين يوم الثلاثاء المقبل
وكتب احمد دويدار من خلال حسابه على موقع التواصل الاجتماعي فيسبوك قائلا:
انا بسمع كلام عني اول مرة اسمعه علي كابتن حسام مش قولتلكم شوية صراصير وجهلاء ببصدقوا اي حاجة بتتكتب علي الصفحات اللي بتفبرك الكلام وشوية لجان معروفة للجميع بيقبضوا علشان يعملوا فتنه وتعصب واتفضحتوا خلاص
١.حسام حسن ميستحقش يمسك المنتخب قولت فين الكلام اكيد في الحلم فين الفيديو اللي قولت كدة مفيش اساسا لكن احنا جهلاء بنصدق اي حاجة بتتكتب علي الصفحات اللي تحت بير السلم بالعكس انا قولت احسن مدرب مصري ولازم يجدد ٤ سنين بعد ماتش البرازيل
٢.انا مش هشجع منتخب مصر علشان منتخب الاهلي قولت فين الكلام ده بالعكس قولت لو منتخب مصر كله اهلي هشجع منتخب مصر ودايما بشيد بكل اللاعبين ما عدا زيزو نظرا لسوء مستواه الفترة الحالية وده واضح للجميع
٣.كابتن حسام حسن معملش إنجاز مقولتش كدة قولت بعد ماتش نيوزيلندا كسبنا ماتش فوز تاريخي ولسه معملناش حاجة واي حد بينتقد كابتن حسام بيفتي لكن لسه معملناش إنجاز غير لما نصعد لدور ١٦ هيكون إنجاز تاريخي احنا مصر ومش اقل من المغرب ونفس الكلام قاله كابتن حسام حسن لكن انتو جهلاء بردو بتمشوا ورا البرطمان والجربان
٤.قالك دويدار بيتكلم علي مصطفي محمد قولت فين الكلام ده انا مجبتش سيرة مصطفي محمد اساسا
٥.قالك مصطفي شوبير تقييمه في البطولة ١ من ١٠ قولت فين الكلام ده يا اهبل انت وهوه شوية صفحات تحت بير السلم بالعكس قولت مصطفي شوبير من افضل حراس البطولة ومستقبل مصر هوه في حد عاقل هيتنقد مصطفي بالمستوي ده
٦.قالك منتخب مصر لو كسب كأس العالم بردو مبحبش كابتن حسام علي فكرة يا جاهل مش انا ده شخص تاني قولت فين الكلام ده
عرفتوا انكم صعبانين عليا جدا لاني مبقاش في عقل اي حاجة بتتكتب علي اي صفحة علي الفيس بوك بتصدقوها وبشكر الناس اللي فاهمه وعندها عقل وشكرا
