كشف الاعلامى خالد الغندور، عن رسائله لحسام عبد المجيد مدافع الزمالك والمنتخب الوطنى الاول.
ونشر عبر حسابه الرسمى على موقع التواصل الاجتماعى "فيس بوك":
وكتب: حسام عبد المجيد و يوسف خالد الغندور مواليد ٢٠٠١ كانوا في نفس الفريق الزمالك و طول عمر حسام شخص متربي جدا و مهذب و لما ضيع في ماتش انبي و الأهلي و تسبب في بنالتي ماتش العاصمة هناك و إتلغي هدف بيزيرا العالمي ناس هاجمته و كان زعلان بعتله رسالة و قلت له استحمل و اصبر و ما تزعلش يمكن ربنا له حكمة و ما تعرفش ربنا شايلك إيه و سبحان الله الزمالك يخسر البطولة و الناس تقول انه سبب و بعدها بشهرين حسام يجيب اهم ضربة ترجيحية في تاريخ مصر و الصعود لدور ال١٦ و ده احلي سيناريو مش مهم ماتش الزمالك و لكن الأهم هي مصر و كأس العالم عشان كل العالم يتكلم عن مصر و عن ضربة حزاء حسام و كل العالم يعمل فيديوهات و هو داخل يشوط و بكون فرحة ما بعدها فرحة و هنا نعرف كرم ربنا لعبده. و هنا نقول كلنا الحمد لله رب العالمين طول الوقت و اخيرا حسام جايله عروض قوية جدا في اوروبا
