علق المخرج عمرو سلامة، على خساره المنتخب الوطنى الاول من نظيره الارجنتينى بثلاثيه مقابل هدفين.
ونشر عبر حسابه الرسمى على موقع التواصل الاجتماعى "فيس بوك":
وكتب: برافو اكبر انجاز في تاريخنا، وخروج منطقي وواقعي حتى لو بسيناريو كابوسي، لازم نحتفل ونحتفي باللعيبة وحسام حسن كما لم نحتفل بالمنتخب من قبل.
كفاية إننا كنا ند وعيطنا ميسي قبل ما نخرج.
وأضاف خلال منشور آخر: لو حد من شهر كان قالي ده هيبقى سيناريو رحلة مصر في كاس العالم كنت قولتله أدفع عمري وأشوفه وأموت بعدها.
٢ لاعيبة محليين كل واحد جايب جونين. واحد منهم في فريق ٩ عالم والثاني بطل العالم.
مدافع محلي مشجعين فريقه بيهاجموه طول السنة بيجيب جون في بطل العالم في دور ال ١٦.
كل أجوان مصر باستثناء واحد أحرزهم لاعبين محليين.
وصلنا دور ١٦ بدون خسارة.
مع أقوى فريقين لاعيبناهم إحنا اللي تقدمنا ولعبنا أحلى.
خرجنا بعد هولندا وألمانيا وعشر فرق أعلى مننا في التصنيف.
تقدمنا على بطل العالم ٨٠ دقيقة بهدفين وخارجين العالم كله متعاطف معانا ومحترمنا وشايف إننا انظلمنا.
كل ده بمدرب وطني معظمنا كان مش مصدق فيه.
رد الفعل الوحيد المنطقي كلنا نعمل زي حسام حسن ونبوس إيدينا وش وظهر، ولا نسمع لأي محنكين
