هاجم عضو مجلس اداره النادى الاسبق رحاب ابو رجيلة مجلس اداره الزمالك برئاسه حسين لبيب.
ونشر عبر حسابه الرسمى على موقع التواصل الاجتماعى "فيس بوك":
وكتب: معرفش صحه الكلام اللى قاله المحمودى امبارح بخصوص شركه الكره
بس لو صح الكلام ده يبقي مصيبه كبيره جدا ...يعنى فريق كره القدم يساوى مليار و٦٠٠ مليون جنيه فقط لا تقولى بقه تاريخ ولا اسم ولا سمعه ولا جمهور ليهم تقيم يعنى لما قولنا ان مش ده الوقت الصحيح لتقيم فرقه الكره لان ده اسوء فتره من حيث القيمه الاسميه للعيبه والمديونيات وايقاف قيد كنا عارفين بنقول ايه مش فكره انك تقولى هتجيب ٣ شركات عالميه هيقيموك ايوه يا استاذ انا عارف ومتاكد والله بس ده مش الوقت الصحيح للتقيم
يا استاذ دى فرقه الكره فى السنه مصاريفها بتتعدى المليار جنيه
وكمان الفلوس دى هيبقي منها جزء من المديونيات اللى منعرفش مين دفعها ولا اتسبب فيها
تصدق بيقولك ان اعضاء مجلس الاداره هيشتروا اسهم بالفلوس اللى سلفوها للنادى والععده هنا على كلام المحمودى
ايه ده يعنى الساده اعضاء مجلس الاداره اللى كلنا شفنا ادارتهم فى ال ٣ سنين اللى فاتت هيبقوا شركاء فى الشركه ..تصدق اه
وما زال مسلسل تغيب العقول مستمر فى قصه النسبه الحاكمه ولازم ابيع النسبه الاكبر علشان يبقي عنده القدره اتخاذ القرار
القصه التى قتلت بحث وان هناك اختلاف بين الاداره وبين التملك وانك تقدر باقل نسبه يبقي ليك الحق فى الاداره لو صاحب النسبه الاكبر تنازل عنها فى عقد تاسيس الشراكه
عرفتوا ليه احنا مستعجلين قوى نعمل شركه كره فى وقت انت عندك ايقاف قيد لفترتين وان كل فتره المجلس الحالى لن تستفيد من شركه الكره غير فى سداد المديونيات القديمه واخذ حصص باللى دفعوا البعض لان الطبيعى ان فلوس الرعايات الجديده هتغطى مش اقل من ٦٠% من مصاريفك ...تحياتى للناس اللى بتحب تفهم وتشغل عقلها بدل الجرى وراء شعرات رنانه
قديما قالوا الشيطان يكمن فى التفاصيل.
