علق احمد الاحمر اسطورة كره اليد فى النادى الاسبق، على انضمامه لصفوف نادى البنك الاهلى.
ونشر عبر حسابه الرسمى على موقع التواصل الاجتماعى "فيس بوك":
وكتب: في البداية حابب اشكر نادي البنك الاهلي علي انضمامي ليهم وثقتهم فيا وانهم حابييين يعملوا مشروع محترم ويوصلوا لمكان احسن ولتوفير كل الامكانيات للوصول للهدف ده
انا عجبني المشروع جدا و يشرفني اكون جزء منه لسببين :السبب الاول ان الفريق عنده هدف انه يكون في مكانة احسن والتاني اني هستمتع والعب من غير اي ضغوط من اللي مريت بيها اخر ٣ سنين
لاني بحب الهاندبول جدا وفعلا لسه عايز اشبع منها
ناس كتير مش فاهمه ،فحبيت اشرح ده والموضوع بعيد برده عن الماديات ،ومن غير شرح عشان دي حاجه تخصني .
في النهايه بقي نادي الزمالك ده بيتي اللي اتربيت فيه و اللي بأعتبر نفسي جزء منه وهو بالنسبالي كل حاجه ،وعمر ما في حاجه هتأثر علي شعوري ناحيه البيت اللي اتربيت فيه عمري كله..
نادي الزمالك طول عمره كبير وهيفضل كبير بولاده وجمهوره وكل اللي بيحبوه
