علق الفنان مراد مكرم على حصول الزمالك على الرخصة الأفريقية للمشاركة في بطولة دوري أبطال أفريقيا
حيث علق على الجدل الذي صاحب حصول الزمالك على الرخصة وما قيل من قرار زيادة الأندية المصرية في بطولات أفريقيا
مراد مكرم من خلال حسابه على موقع التواصل الاجتماعي فيسبوك قائلا:
احنا في مكايدات بقالنا شوية حلويين فما كنتش عايز أتكلم غير لما الأمور تهدي شوية.
اولا:
ان عدد الانديه المصريه يزيد في البطولات الأفريقيه هو فعلا في صالح الكره المصريه ،لكن تطبيقه بأثر رجعي كان هيخلي فيه شبهة مجامله حتي لو استفادت بيه أنديه تانيه بعد كده...بالتالي أنا مع الزياده بدءا من موسم ٢٧/٢٨
ثانيا:
لو فعلا الزمالك حصل علي البطاقه الأفريقيه ،يبقي لازم الاشاده بمجلس الاداره و رجال الأعمال الي عملوا المستحيل ودي تاني مره بعد مستحيل الحصول علي بطولة الدوري الموسم الماضي برافو عليهم.
ثالثا:
المكايده سبوبه للي بيكسب من الكوره...مذيع بقي ،بلوجر ،ايا كان...أحنا كمشجعين كنا بنحفل علي بعض كام يوم و خلاص ،زي ما متعودين مع أصحابنا طول عمرنا...يا ريت نرجع لده لأن المكايده بين الجماهير الي مش مستفيدين حاجه من ورا فرقهم بوظت فرحة الكوره.
بقول الكلام ده بعد فتره مش قليله من المشاركة في المكايده دي رغم اني مش مستفيد حاجه و في الآخر لقيت ان تشجيع الكوره بقي بيحط ضغط عصبي عليا بدل ما يفرحني.
الأعتراف بالحق فضيله...انا كنت غلطان ،وعايز أرجع أشجع زي زمان.
موسم جديد هيبدء و نرجع نشجع فرقنا وكل واحد يبص في ورقته
