علق الاعلامى كريم ابو حسين على قبول استقاله جون ادوارد المدير الرياضى فى النادى.
ونشر عبر حسابه الرسمى على موقع التواصل الاجتماعى "فيس بوك":
وكتب: سبحان الله هو أتخانق عشانهم في الاجتماع ورب الكعبة
معلش هو بوست رخم شوية
بس يعني أعملوا حساب العيش والملح
أعملوا حساب للعشرة
أعملوا حساب لانه فتح لكم باب شغل مع إني بعضكم كان خالي شغل
قولوا بسشكرا
دا الناس اللي عمرها لا شافته ولا اشتغلت معاه ولا خدوا مرتبات من شغلهم معاه
قالوا شكرا
مش أكتر من كلمة شكرا
راجل أشتغل ونجح وأخفق
قولوا شكرا وانتوا بتكتبوا "نهاية رحلة چون"
زي ما كنتوا بتسألوه علي كل كبيرة وصغيرة
كنتوا كتبتوا كلمة حلوة قبل العنوان ده
وبعدين إيه "رحلة" دي
يعني إيه رحلة بجد والله
وهل مقصودة ولا هي كده وعلي الله حكايتكم وخلاص ؟
وبعد موسم كروي قضاه!!
طب يا أخي قول موسم كروي ناجح
موسم كروي حلو
موسم كروي بطولي
أي كلمة حلوة يا أخي
ونعم الإخلاص ونعم الإنسانية ونعم الأصالة
عاش الملك مات الملك
ياخسارة بجد والله
والله اللي ما هيسمع كلامي خسران
ما بتسمعوش الكلام
يلا حصل خير
الزمالك فوق الجميع
