حرص حسام عبد المجيد لاعب الزمالك السابق والمنتقل حديثاً الى نادى عجيب كدا كـ كوبرى للعودة للنادى الاهلى على توجيه رسالة إلى جمهور الزمالك.
وزى ما حضرتك عارف وعم ابراهيم عارف والست أم حسين تعرف وأم أميرة تعرف، وعم محمد يعرف والاستاذ مهاب يعرف، إن حسام عبد المجيد يستعد للعودة للنادى الاهلى.
حرص على توجيه رسالة الى جمهور الزمالك، اللى هيتنسي فى شهر يناير القادم أو مع بداية الموسم بعد القادم بالكثير.
وعبر حساباته الرسمية على مواقع التواصل الاجتماعى فيس بوك نشر حسام عبد المجيد فيديو موجهاً رسالته لجمهور الزمالك أثناء تواجدة فى النادى "كوبرى الاهلي" :
الحدوتة بدأت من وأنا عندي 9 سنين، وزي أي عيل صغير حلمت ألعب مع الفريق الأول، كبرت واتعلمت وكل خطوة مهمة في مشواري كانت هنا، كل تيشرت من دول ليه ذكرى عندي متتنسيش.
أول ماتش مع الفريق الأول، أول مرة مع الثالثة يمين، أول هدف، أول بطولة، أول كأس ارفعه، كل لحظة من دي هتفضل جوايا، حاولت أكون مثال للالتزام لان ابن النادي لازم يكون قد المسؤولية، النهارده أنا باخد خطوة جديدة في مسيرتي.
ماشي وفخور بكل لحظة عيشتها معاكم، شكراً لكل شخص اشتغل وتعب معايا، بالاخص البروف فيريرا أول واحد وقف جنب حسام عبدالمجيد ودعمني وعلمني، واداني أهم فرصة في حياتي، فرصه اني ادافع عن نادي الزمالك، شكرا لنادي الزمالك وجماهيره، حدوتي هتفضل مستمرة معاكم، شكرا على الحدوته.
