علق الاعلامى هانى حتحوت، على بيان نادى الزمالك، بشأن التحكيم، رداً على بيان الاهلى.
ونشر عبر حسابه الرسمى على موقع التواصل الاجتماعى "فيس بوك":
وكتب: بيان الزمالك مليان قصص..
الزمالك مش بس رفض التشكيك في نزاهة التحكيم، ده كمان ساند اتحاد الكرة المصري. كاونتر أتاك! بينما الأهلي بيهاجم، الزمالك بيدعم. فإذا كان التشكيك هو خطوة الأهلي، فالزمالك بيدعم
لو الزمالك يرى إن هجوم الأهلي غرضه إنه بيضغط علشان ياخد حاجة، طب ما أنا أدعم. خصوصًا إن حصل تصريح كبير من رئيس الاتحاد لصالح الزمالك في الأيام اللي فاتت
هنا بقى أثنى عليه مجلس إدارة الزمالك. هو مش بس أثنى على إنه أنصف الزمالك، ده كمان بيقوله: شكرًا إنك قلت إن عقودنا صحيحة، ولو سمحت ياريت تطلعلنا إنت والجهات المعنية، مش بس اتحاد الكورة، صحة عقود لاعبي بقية الأندية
هو بيروح بقى لأوسع من اتحاد الكورة: صحة عقود لاعبي بقية الأندية. وزي ما الأهلي قال على بقية الأندية، الزمالك قال على بقية الأندية، وافهم يا فهيم
بيان الزمالك، وبداية ساخنة جدًا للموسم. هل بقى هيكون فيه موقف من الاتحاد المصري كمؤسسة؟ ولا هيفضل إن الدنيا عالية فيبقى هادئ، فنبدأ الموسم بهدوء؟ لأن لو رديت أنا كمان، الدنيا هتسخن
