في أول تعليق من أحمد مجدى لاعب الفريق الشاب بعد إعلان نادي الزمالك رحيله.
وأصدر اللاعب بيان عبر ستورى صفحته الشخصية على موقع التواصل الاجتماعى إنستجرام علق فيه على هذا الرحيل قائلاً :
أنا أحمد مجدي، بقالي 14 سنة داخل نادي الزمالك. دخلت النادي وأنا صغير بعد ما روحت الاختبارات، وعملت أكتر من 10 اختبارات. في كل مرة كنت بروح وأنا عارف إن إن ممكن أمشي، لكن كنت واثق في ربنا، والحمد لله اتقبلت من غير أي واسطة. وطول عمري في الكورة، لا كان ليا واسطة ولا اعتمدت على أي حد، غير توفيق ربنا ثم مجهودي.
خلال الـ14 سنة لعبت في كل المراحل السنية، وتشرفت بتمثيل منتخب الشباب، وتصعدت للفريق الأول مع الكابتن جوزيه جوميز.
لكن للأسف، قبل القيد بأيام قليلة، اتبلغت إني مش هكمل مع النادي.
الموسم اللي فات، فجأة اتقال لي إن عندي مشكلة صحية ومحتاج أعمل أشعات، رغم إني عمري ما اشتكيت من أي حاجة، ولا حسيت بأي أعراض. فضلت حوالي 6 شهور بعمل فحوصات وأشعات بسبب حاجة في الآخر طلعت مش موجودة أصلًا، وضاع عليا موسم كامل كنت مستنيه عشان أثبت نفسي مع الفريق الأول.
وفي النهاية، جتني تقارير من رئيس قسم القلب بجامعة القاهرة، وهو نفس الدكتور اللي النادي طلب مني أكشف عنده، وأكد إن حالتي سليمة تمامًا، ومفيش أي مانع من ممارسة كرة القدم.
رغم كده، النادي رفض أكتر من عرض جالي من وقت تصعيدي للفريق الأول، وكان دايمًا الرد إن "إنت ابن النادي ومستقبل النادي".
وطول فترة الإجازة كنت بتواصل مع النادي عشان أعرف موقفي، ولو مفيش نصيب كنت أشوف مستقبلي في مكان تاني قبل ما الأندية تقفل قوائمها. لكن في كل مرة كان الرد إني مستمر مع الفريق.
