كشف سعيد لطفى لاعب الزمالك السابق عن كارثة قام بها اتحاد الكرة بحق اللاعبين الشباب والناشئين فى مصر.
وعبر صفحته الشخصية على موقع التواصل الاجتماعى فيس بوك كتب سعيد لطفى كاشفاً :
اتحاد الكرة عمل كارثة إنسانية بالنسبة للناشئين والشباب والبراعم قفل القيد على الناشئين والبراعم.
خلاص خلال ايام عكس السنين اللي فاتت كان القيد بيبقي اول اسبوع من كل شهر واللي مالحقش مكان عنده فرصة واتنين وتلاتة لكن دلوقتي بالقرار الجهبذي ده علشان اي لاعب مالقاش نادي وعاوز يتم قيدة ويلعب لازم يستني لشهر واحد يعني 5 شهور.
شوف بقى كام الف لاعب من جميع المراحل ممكن عدد كبير منهم غالبا هيبطل كورة وهيتجه اتجاهات تانية في الأيام السوداء دي وبدل ما نشجع الشباب على ممارسة الرياضة هنخلص عليهم وهتلاقي منهم اللي هيبقي بتاع مخدرات والحرامي البلطجي وماخفي كان اعظم ده غير تعب ومصاريف سنين لأولياء الامور راحت على فشوش.
وطبعا ده غير القرار الجهنمي ان اي لاعب في البراعم مايلعبش في اي نادي خارج محافظتة ب 50 كيلوا وهذا النداء موجه لفخامة السيد رئيس الجمهورية وجميع المسؤولين عن الرياضة في مصر ووزير الشباب والرياضة كابتن جوهر نبيل الحقوا الشباب من الضياع
