علق رحاب أبورجيلة عضو مجلس ادارة الزمالك السابق على إعلان عبد الله السعيد لاعب الزمالك "الذى كان متمرد" بالعودة الى صفوف الفريق وعدم الاعتزال.
خبر بالنسبة لى غير جيد لأن يضرب فكرة فرض نظام فى النادى، ولكنه لا جديد على مجلس إدارة نادى الزمالك اللى خرب النادى على كافة المستويات، لدرجة إن رئيس النادى بيتواصل مع لاعب متمرد علشان يقنعة بالعودة.
وعبر صفحته الشخصية على موقع التواصل الاجتماعى فيس بوك كتب رحاب أبورجيلة معلقاً :
مفيش لعيب من اللى حبناهم لعب معانا او فى نادى فى العالم وشوفنا لاعيبه عالميه بيحصل معاهم مشاكل مع فرقتهم دى حاجه موجوده فى كل حته فى العالم ومفيش نادى فى مصر مابتحصلش فيه مشاكل بالشكل ده لكن للاسف بيتم التركيز فقط على نادى الزمالك
الغزال رحمه الله عليه كان ليه كلمه عظيمه يقولك اشتكى وانت بتلعب ودى طبعا غلطه عبدالله وغلطه عبدالله بالذات كبيره على قدر الحب والمعزه والمكانه
صفحه واتقفلت واى لاعب هيلعب ويلبس تى شيرت الزمالك احنا خلفه وخلف الفرقه طول العمر ان شاء الله
