علق الناقد الرياضى فتحى سند على المشهد الخاص بـ عبد الله السعيد لاعب الفريق الأول لكرة القدم بالنادى.
اللاعب الذى لم يحضر معسكر الفريق بسبب مستحقاته، وقيل كلام كثير فى هذا الملف، ثم عاد من جديد وأكد التزامه، علق فتحى سند على المشهد بالكامل.
وعبر صفحته الشخصية على موقع التواصل الاجتماعى فيس بوك كتب فتحى سند معلقاً على المشهد من وجهة نظره :
من قبل أي إعلان رسمي، قلتها بوضوح: عبد الله السعيد يستحق معاملة أفضل من اللي كانت بتحصل معاه..
وقلت إن الإدارة لازم تقعد مع اللاعب وتحسم الملف، لأن الراجل كان عايز يكمل، وحبه للزمالك كان واضح، ومفيش سبب يضيع قيمة فنية وخبرة بالحجم ده..
النهارده الكلام بقى حقيقة.. عبد الله السعيد أعلن استمراره مع الزمالك.
مش علشان أقول "أنا كنت صح".. لكن علشان أوضح إن قراءة المشهد من البداية كانت واضحة، وإن الحفاظ على النجوم أوقات بيكون أهم من أي صفقة جديدة.
دلوقتي المطلوب إن كل التركيز يبقى على الملعب.. لأن الزمالك محتاج الاستقرار قبل أي حاجة.
