طالب محمد الجبالي الناقد الرياضى، عقب تعادل الزمالك مع الاتحاد السكندرى سلبياً بإفتتاح مشوار بطوله الدورى.
ونشر عبر حسابه الرسمى على موقع التواصل الاجتماعى "فيس بوك":
وكتب: حقيقي مشوفتش المباراة لظروف خاصة ..
بس كنت متوقع النتيجة - وكمان قولت نقطة التعادل أمام الاتحاد السكندري هتكون مكسب - خصوصاً لما عارفت إن كان فيه شوية دوشة داخل المعسكر قبل المباراة بسبب قصة المستحقات والفلوس اللي نزلت واللي المفروض لسه هتنزل كمان يومين ،، وكمان تغيير فندق المعسكر لأسباب ( ربما تكون مادية ) ،، وكمان دخول أحد اللاعبين لقائمة المباراة مكنش ينفع يدخل مهما كان الاحتياج له ،، وكمان اللعيب إياه سلم مفتاح مقر إقامته اللي في التجمع قبل المباراة بيومين والإدارة كانت عارفه ولم تذكر أي شيء في بيانها !!
الأجواء المحيطة بالفريق .. محبطة !! رغم كل ما يذكره الأوصياء والمطبلاتية !!
خسارة نقطتين في بداية مشوار الحفاظ على اللقب .. مش حلوه خالص !!
أكررها تاني وتالت وعاشر
مدير رياضي جديد بسرعة !!
شركة الكرة بسرعتين !!
وابتعاد الإدارة نهائياً عن الفريق !!
