علق محمود الاسيوطى مالك نادي لافيينا الحالي ومالك نادى بيراميدز السابق على المشهد فى نادى الزمالك فى ظل كل الازمات التى يمر بها.
وعبر صفحته الشخصية على موقع التواصل الاجتماعى فيس بوك كتب محمود الاسيوطى معلقاً على حالة الزمالك..
إيقاف قيد، ديون، حجز على أرصدة، هجوم إعلامي ليل نهار، خناجر بتتغرس في ضهره من كل حتة، حتى من ولاده.
أي نادي تاني كان مات وشبع موت.
لكن ده الزمالك..
كل ما يوقعوه، يقوم أقوى.
كل ما يحاصروه، يفوز ويمتع.
بيفوز وهو موجوع، بيلعب وهو بينزف، وبيفرحنا واحنا عارفين إنه هو اللي محتاج اللي يفرحه.
هي دي الحكاية.. عمرها ما كانت كورة، طول عمرها حكاية عشق بين فارس عمره ما خان الرهان، وجمهور عمره ما باع فارسه.
الزمالك وطن.. والوطن لا يخون.
