علق الناقد الرياضى معتز الشامى على حديث المذيع كريم حسن شحاته بالأمس فى برنامجه التليفزيونى.
الحديث الذي لا أستبعد صحته على الاطلاق لاننا منظومة رياضية عايزة النسف، بأن حكم مباراة الاهلى وزد طلب تغيير على محمود لانه مش هيعرف يحميه أكثر من كدا وهو عندة إنذار.
مقولة تلخص كلمة الزمالك اليوم الحقيقة بأن 60% من بطولات الاهلى بالتحكيم والمجاملات، والتاريخ خير شاهد.
وعبر صفحته الشخصية على موقع التواصل الاجتماعى فيس بوك كتب معتز الشامى معلقاً :
إحنا مش بس بنساعدهم بركلات جزاء من وحي الخيال، أو نرفض احتساب ركلات جزاء مستحقة ضدهم..
لأ سعادتك ✋
إحنا كمان، بحسب الرواية التي كشفها كريم حسن شحاتة، بنحذّرهم لو عندهم لاعب مهدد بالطرد:
"خرجوا علي محمود.. عنده إنذار، وأنا مش هعرف أحميه تاني"!
فيعملوا التبديل، ونبقى كلنا في السليم: لا دوشة، ولا ضغط إعلامي، ولا حفلة هجوم يومية علينا!
بس يا سيدي..
أهو ده شكل الدوري لما المجاملة ما تبقاش مجرد قرار تحكيمي عابر، لكنها تتحول إلى حماية مستمرة لنادي واحد!
ولو الرواية دي صحيحة، فإحنا مش قدام خطأ تحكيمي.. إحنا قدام واقعة تمس نزاهة المسابقة، وتستوجب تحقيق رسمي ومعلن.
وغرفة الفار بتسجل كل المحادثات للحكم
لذلك يجب على كل نادي متضرر يستمع لما دار من الحكم في هذا الأمر عند اقترابه من مدير فريق الأهلي
