علق رحاب أبورجيلة عضو مجلس ادارة الزمالك السابق على المشهد الفنى فى نادى الزمالك بعد فوز الامس على فريق بتروجيت.
وعبر صفحته الشخصية على موقع التواصل الاجتماعى فيس بوكتب رحاب أبورجيلة معلقاً :
الحمد لله على المكسب امبارح ..صحيح احنا فى ظروفنا دى اهم حاجه بالنسبه لينا ال ٣ بنط
بس بصراحه شكل الفرقه يرعب امبارح فى حاجات ملهاش دعوه بقه بقله فتره الاعداد فى ٣ لعيبه على الاقل وزنهم زايد جدا وال ٣ للاسف راس مالهم القوه والرشاقه وده طبعا بيخلى منظرهم وحش قوى فى الملعب الغريبه انهم مش عايزين كمان يلعبوا على قدهم لا كل واحد فيهم عايز يلعب الصعب وبدون سبب
طبعا ده غير تانى كابتن الفرقه اللى جاله تسمم منتهى الاستهتار والعبث ولحد امتى هنفضل مستحملين كم الاستهتار ده وليه مش بيبان مع المنتخب
تالت حاجه انا طبعا عارف ان ظروف كابتن معتمد صعبه فى وقت يا كابتن مش مستحمل انى استحمل حد زى ادم كايد طول الماتش وهو كل ثانيه بيعمل مصيبه اكبر من التانيه مفيش حد اهم من الفرقه كان لازم يتغير من اول ٢٠ دقيقه وكمان علشان يحس بكميه التهريج اللى بيعمله
الف مبروووك لجمهورنا العظيم وللجهاز والفرقه واتمنى من ربنا ان احنا نقدر نتلافى المشاكل الكتير اللى فى الفرقه سريعا .
