علق الناقد الرياضى محمد الجبالي، على هجوم جماهير الزمالك بالمدرج فى مباراة ابو قير للاسمدة على هشام نصر نائب رئيس النادى.
ونشر عبر حسابه الرسمى على موقع التواصل الاجتماعى "فيس بوك":
وكتب: هجوم جمهور المدرج على مجلس الإدارة بالكامل قد يكون مقبول ومنطقي في ظل حالة الغضب العام من الجمهور على هذا المجلس .. لكن الهجوم على هشام نصر لوحده بالنسبالي غريبة شويتين ،،، وأنا ممكن أفسرها بأن اللعب على المكشوف بدأ بدري جداً ،،،
حاولت أوصل للأسباب اتقالي إن جمهور المدرج كان عشمان كتير في هشام نصر علشان كده زعلانين منه ... برضوه معرفش إزاي وإشمعنى الزعل منه هو بس ؟
حد تاني قالي إن الهجوم كان مترتب من أحد أعضاء المجلس .. برضوه معرفش برضوه إزاي وليه ومين عضو المجلس ده ؟ وأنا بصراحة مش قادر أستوعب قصة إن جمهور المدرج ممكن ياخد تعليمات من حد ... لأنه هو النقطة المضيئة الوحيدة وسط العتمة اللي عايشنها ...
اللي النادي كله عارفه إن هشام نصر بعيد من فترة طويلة هو وأحمد خالد حسانين ،،، وكمان هشام نصر كان بيفكر بشكل جاد في تقديم الإستقاله من المجلس ..!!
أخشى ما أخشاه هو أن يكون هشام نصر بيدفع ضريبة رفضه رحيل جون إدوارد وإصراره على شركة الكرة ..!!
عموما .. واضح إننا هنشوف حاجات كتير الفترة اللي جايه
الزمالك .. كل حاجة وعكسها ..!!
