تغنى الاعلامى خالد الغندور، بجماهير نادى الزمالك.
ونشر عبر حسابه الرسمى على موقع التواصل الاجتماعى "فيس بوك":
وكتب: نجم الزمالك الحقيقي والأول
ممكن نكون اتكلمنا كتير عن جمهور الزمالك العظيم
بس النهاردة
عايز أتكلم عن لقطة في رأيي إنها كانت مختلفة جدا جدا
جمهور الزمالك على مر التاريخ
مش عايز أكون مبالغ لو قلت هو نفسه التاريخ
جزء كبير من عشق الزمالك
هو إحساس الجمهور بالصعوبة
إحساسه بإن فريقه بيواجه دايما ظروف صعبة
ومطبات وتحديات
لكن اللي بيحصل في السنين الأخيرة
بصراحة كان كتير
تغيير مجالس إدارات
اختفاء مديرين فنيين في ظروف صعبة ونادرة وأوقات حساسة
هو حد ممكن ينسى توقيت رحيل كارتيرون قبل نهائي القرن
هو حد ممكن ينسى رحيل جوميز المفاجئ بعد ما عمل حالة استثنائية مع الزمالك وجمهوره
حد ينسى أزمات السنة اللي فاتت
الأزمات المالية وإيقافات القيد الرهيبة
ومع كدا
جمهور الزمالك قدر بوعيه وحبه ودعمه
إنه يصون هوية الزمالك وتاريخه
قدر يقف في ضهر الفريق
لغاية ما وصل نهائي الكونفيدرالية
ولغاية ما حقق أصعب لقب بطولة دوري
فيه ناس فكرت
إن الجمهور خلاص أدى رسالته
وممكن السنة دي يبدأ وهو مش في نفس الحالة خصوصا مع زيادة الصعوبات
لكن الجمهور العظيم
فاجئ الجميع
بإنه بيشجع بنفس الروح الملحمية
بنفس القلب العظيم اللي بيحمي كيانه..
وامبارح
وفي الدقيقة 80
جمهور الزمالك الواعي والذكي جدا جدا
حس إن الماتش رغم تقدم الزمالك 1/صفر بدأ يهرب
وإن الفريق مضغوط
فجأة
الملعب كله على كلمة واحدة
اضغط
اضغط
اضغط
مش ممكن
الجمهور كأنه مدير فني
وبالغعل
روح جديدة بتشتعل جوا اللاعيبة
والصغط بقى بطول الملعب وعرضه
لدرجة
إن الهدف التاني هدف الاطمئنان
جه .. من نموذج للضغط على الخصم
بصراحة
الواحد جسمه بيقشعر من جمال وعظمة وإحساس جمهور الزمالك
الجمهور ده
هيغير مفاهيم كتير في الكورة
ممكن تتعرض لأزمات
ممكن لاعيبة تسيبك زي بيزيرا مثلا اللي كان نجم الموسم اللي فات
ممكن ما يكونش فيه فلوس
ممكن يكون لاعبين كتير شباب
لكن عندك نجم مهم ... لا .. دا النجم الأهم
النجم ده مش بيسيبك
ولا بيوقع لفريق تاني
ولا عقده بيخلص
ولا ليه مطالب
بالعكس
النجم ده بيدي كتير وبدون مقابل
النجم ده
هو جمهور الزمالك
