وجة الناقد الرياضى محمد الجبالي، اسئله ناريه الى مجلس اداره النادى برئاسه حسين لبيب.
ونشر عبر حسابه الرسمى على موقع التواصل الاجتماعى "فيس بوك":
وكتب: شروط إيه اللي وضعها الزمالك ،، مش فاهم ..!!
هو لما اللاعب يحضر للقاهرة .. وتتوقع عليه عقوبة عدم الانتظام مع الفريق .. أصبح هو ده الانتصار ..!!
هي الناس دي بتخاطب مين بالظبط ؟!
أفضل لاعب عندك وباقي في عقده 3 سنين وعقده السنوي يساوي ( 3/1 ثلث ) لاعب أخر عندك في الفريق .. وجاي تقولي مش هستفيد منه .. !!
** هو فيه نادي في العالم ممكن يفرط في أفضل لاعب عنده بالسهولة والتبريرات دي ؟
** هو فيه نادي ف العالم ميسمعش لـ صوت جمهوره لـ مجرد إنه بيمر بأزمة مالية هو السبب فيها ؟
** هو فيه نادي في العالم يبيع 3 سنين في عقد أفضل لاعب عنده بالمبلغ ده ،، ولسه بايع 6 شهور في عقد مدافع بـ 1.5 مليون يورو ؟!
** عارف حضرتك المبلغ اللي هتبيع بيه بيزيرا يساوي إيه بالظبط ... يساوي - على سبيل المثال لا الحصر - فلوس غرامات عمر فرج وإبراهيما نداي اللي الزمالك مستفدش منهم بربع جنية ..!!
علشان تعرفوا إن الناس دي عايشه في عالم موازي ..
مش عارفين إن جمهور الزمالك يختلف عن أي جمهور في العالم ..
