علق الاعلامي مينا ماهر المذيع في قناة الزمالك على رحيل اللاعب خوان بيزيرا لاعب الفريق وبيانه بالأمس خلال تواجده في القاهرة
مينا ماهر من خلال تصريحات تليفزيونية تحدث أن مع احترامي لخوان بيزيرا لكن واللاعب في النادي الأوكراني بتاعه مكنش حد يعرف ولا كان بييجي له عروض من الأساس والزمالك هو اللي عمل اللاعب ويقدر يعمله غيره وقده
وواصل: جماهير الزمالك ياما عملت لاعيبة والتاريخ اللي بيقول والنادي له فضل وخير على اي حد فيه من الموظفين لحد كل لاعب في الفريق
واستكمل: بيان اعتذار خوان بيزيرا ده يخليه لنفسه بلغة الكورة يعني، الزمالك خيره على الكل وخوان بيزيرا قبل الزمالك مكنش حد يعرفه ولا حتى الماتشات بتاعته كانت بتتشاف
مضيفا أن الزمالك خيره على الكل و ياما عدي علينا إدارات و لاعيبة ومدربين والزمالك برضو فضل مكمل، الزمالك مكمل وهيفضل مكمل بسبب جمهوره
واختتم أن مع احترامي لكل اللاعبين اللي مشيت من الزمالك اللي راح الأهلي اللي راح بيراميدز اللي راح مودرن اللي راح الاتحاد اللي راح اي نادي في الدوري
قبل الزمالك مكنش حد يعرفكم مع احترامي ليكم، يعني قبل لما تلعب في المستطيل الأخضر مع الزمالك مكنش حد يعرفك وفي لاعيبة معترفين بكدا.
