.نفى عمر جابر لاعب الزمالك نيته فى فسخ تعاقده والرحيل عن القلعة البيضاء خلال فترة انتقالات الصيف المقبلة
وقال جابر فى تصريحات لبرنامج يا مساء الأنوار الذى يقدمه الإعلامى مدحت شلبى على قناة النهار رياضة: "أنا ممكن ألعب للزمالك طول عمرى من غير ولا جنيه، ولو هفسخ عقدى يبقى أروح أموت نفسى".
وأضاف باكيًا: "الجمهور شتمنى بعد مالعبت ماتشات وحش، ربنا يعلم الواحد كان بيموت نفسه علشان خاطر الجماهير، فى ناس فى الجهاز المعاون مش بيحبونى وأنا عارفهم وكابتن ميدو بيسمعلهم وأنا بعتب عليه فى كده".
وتابع: "الفترة اللى فاتت كنت مضغوط ضغطة واحد عنده 60 سنة رغم إنى لسه صغير عندى 22 سنة"، مؤكدًا أنه سيغلق الهاتف فى وجه من يتحدث معه بشأن فسخ عقده.
وواصل بأنه يفقد الثقة فى كل مباراة تحت قيادة ميدو، رغم أنه كان يؤدى بشكل جيد جدًا فى فترة وجود حلمى طولان المدير الفنى السابق، مُكملًا: "جزمة كل واحد فى جمهور الزمالك على دماغى".
