لاشك أن صفقة انضمام رضا العزب لاعب اتحاد الشرطة للزمالك أثلجت صدور عشاق الأبيض بعد ضم ظهير أيمن متميز قادر على قيادة الجبهة اليمنى للفريق.
"الزمالك اليوم" التقى العزب صاحب الـ29 عامًأ، وتحدث معه فى أمور عدة وكشف العديد من المفاجآت، فى أول حوار للاعب بعد انضمامه للزمالك، حوار لاتنقصه الصراحة.
بداية .. مبروك الانضمام للزمالك ؟
- الله يبارك فيك الحمدلله شرف ليا ألعب فى ناد كبير زى الزمالك.
بس الجمهور زعلان منك لما قولت فى مرة إن الزمالك لو لاعب الشرطة 10 مرات مش هيكسبه؟
- فى سوء تفاهم حصل، أنا قولت كده فى وقت كنت مشدود فيه وده بيحصل فى الكورة، لكن أنا مغلطش فى الزمالك.
طب وإيه اللى خلاك تفضل الزمالك على الأهلى ؟
- فضلت الزمالك علشان الراحة النفسية، رغم إنى هاخد مليون بس فى السنة، وفى الأهلى كنت هاخد 2 مليون.
ومين اللى خلص الصفقة معاك ؟
- الكابتن عبدالحليم على هو سبب إنى أمضى للزمالك، الراجل ده زملكاوى أوى ونفسه الزمالك يرجع للبطولات تانى.
بس الشرطة وقع عليك عقوبات علشان مضيت فى الزمالك ؟
- أتعاقب ليه إذا كنت أنا فرى ومن حقى أمضى لأى نادى من شهر يناير.
طب وشايف المنافسة إزاى مع حازم إمام وعمر جابر ؟
- فرصتى كبيرة فى اللعب خصوصًا إن حازم وعمر مش بيلعبوا باك يمين بشكل أساسى، عمر بيحب يلعب فى الوسط، وحازم جناح ومحتاج باك يمين يغطيه ويعرف إمتى يطلع وإمتى يقف ورا.
وهتلبس رقم كام فى الزمالك ؟
- أتمنى ألبس رقم 6 لكن لو عمر مرضيش هلبس 24 علشان الكابتن عبدالحليم على.
- أولًا أنا مصرّحتش بأى حاجة، ثانيًا أنا معنديش أكاونت على الفيس بوك، ثالثًا الكابتن حلمى زى أبويا وحاولت أتصل بيه لكن مش بيرد والقوات المسلحة ناس محترمة، والطبيعى أما يجيلى فرصة ألعب فى ناد كبير مفرطش فيه.
