هاجم المستشار مرتضى منصور، رئيس نادي الزمالك الأشخاص الذين ألقوا الحجارة على المشجعين بالنادي خلال الاحتفالات بالفوز بكأس مصر.
وأكد منصور أنهم ليس لهم علاقة بجماهير نادي الزمالك أو الألتراس قائلا:"ورحمة أمي الغالية أنا ما هاسيبكو، واللى همسكه فى النادى هسلمه للشرطة لحد ما أهله ييجوا يستلموه ملط". وواصل: "كان فيه مجموعة كبيرة من الألتراس في ماتش سموحة حضروا وأنا اللي بعتلهم الدعوات بأدب وباحترام إنما العيال الصيع والبلطجية اللي اتجندوا في 25 زفت يناير، اليوم الأسود بتاع مصر النكسة بتاعة 25 يناير، وقعدوا ينفخوا فيهم يا أبطال ياللي ضربتوا الشرطة يامحترمين يا أصحاب الثورة، ثورة إيه ده كان انقلاب، وكانت مؤامرة على البلد، فأنا بقولهم إنتوا حدفتوا طوب إمبارح هاتتحاسبو حساب عسير، لأن نادي الزمالك ده نادي محترم".
وتابع منصور :" مفيش بني آدم مات في 25 يناير الانتفاضة الوحيدة اللي بعترف بيها انتفاضة 28 يناير وشهداء 28 يناير اللي ماتوا فوق الكوبري إنما الناس الصايعة بتاعة 25 يناير أسماء على إسراء وخالد وعمرو واكد، على القرف ده كله، دي مؤامرة 25 يناير، إنما الشباب اللي ضد تزوير الانتخابات وضد الفساد اللي كان أيام حسني مبارك ده اللي نزل 28 يناير".
