هاجم مرتضى منصور رئيس الزمالك، نور السيد لاعب الفريق السابق، بعدما قال فى تصريحات إعلامية إنه قضى أسوأ أيامه فى النادى.
ووجه مرتضى حديثه لنور قائلًا: "إنت أسوأ لاعب جه الزمالك، وأسوأ لاعب رأيته فى الملعب"، مشددًا على اللاعب بضرورة التحدث عن نادى الزمالك بكل أدب واحترام.
وأضاف مرتضى: "شروط إيه يابو شروط، إنت عملت إيه للزمالك؟، بطولة الكأس اللى خدناها إنت مشاركتش فيها، وبعدين هو انت مخدتش جنيه من النادى ده فى يوم من الأيام جبت بيه عربية ولا رغيف".
وأتم رئيس الزمالك حديثه عن نور قائلًا: "لو إنت آخر لاعب فى العالم، مش هتشتغل بواب فى نادى الزمالك".
