أصدر أحمد الشناوي حارس مرمى الزمالك ومنتخب مصر، بيانًا عبر صفحته الرسمية بموقع التواصل الاجتماعي انستجرام.
وقال الشناوي في بيانه: " أتمنى إن الناس اللي واخده سكوتي وعدم تكذيبي لكل الأكاذيب والاتهامات وعدم ردي على كل هذه الإساءات اللي بتتقال عليا دي أحب أقول لكل واحد مش فاهم حاجة إفهم وبعدين اتكلم".
وأضاف الشناوي: "والناس اللي فاهمة بشكرهم وأنا ساكت ومش هتكلم دلوقتي علشان المنتخب عنده ماتش مهم ولازم نكون كلنا مع اللاعيبة والجهاز الفني وأرجو مساندة الكابتن شوقي غريب وجهازه المعاون وقريبًا سأكشف الحقيقة كاملة".
وواصل: "أنا لو كنت جيت على نفسي فاجيت على نفسي علشان خاطر منتخب بلدي اللي شرف إني أكون بلعب باسم مصر وأي أضرار ومضاعفات في إصابتي فا أنا لوحدي اللي هتحملها وأحب أقول كمان إني مفكرتش في نفسي ولا إيه المضاعفات اللي ممكن تحصل مع أي حركة مفاجأة أو غلط زي ماحصل بالظبط وقريبا هتظهر الحقيقة في الوقت المناسب".
