هاجم مرتضى منصور رئيس نادى الزمالك فى بداية الاجتماع كل من الكابتن فاروق جعفر والاعلامى مدحت شلبى واكد للاعبى الفريق ان المباراة القادمة امام الاهلى ستكون اخر مباراة تذاع هذا الموسم حتى رحيل الثنائى .
ثم بدأ حديثه عن مباراة الاهلى القادمة قائلا للاعبين :
’’ ملكوش دعوة الماتش هيتلعب فين .. هيتلعب فى الهند .. ماتش الاهلى فرصة لمصالحة الجماهير و الفوز عليهم بمثابة الفوز بالدورى و لازم تموتوا نفسكم ‘‘
’’ الفرصة اللى هتيجي مش هتتعوض و يوم الاربعاء اى حد من اللاعيبة له فلوس هيلاقيها فى حسابه .. مباراة الاهلى هى الدورى ‘‘
’’ مش عايز اى لاعب يعترض على الحكم و لو لاعب اتطرد بسبب الاعتراض على الحكم سيتم معاقبته و الحكم اللى هيغلط هيأخد بالجزمة القديمة ‘‘
’’ الاهلي فريق عادي مش بعبع بس الاعلام الفاسد هو اللي مصور ان الاهلي بعبع .. الاهلي فريق كبير ولكن الزمالك افضل واقوي وانتوا ابطال الدوري والكأس ‘‘
ثم بدأ رئيس النادى فى مداعبة اللاعبين قائلا :
’’ كلكم بتصلوا ما عدا مايوكا ... علموه الصلاة ‘‘
ثم وجه حديثه ضاحكا للاعب الفريق احمد توفيق : ’’ كنت عاوزك تكمل فى الشرطة العسكرية علشان لو حد من لاعبي الأهلي هربان انت تمسكه ‘‘
وتحدث مع شيكابالا قائلا : ’’ أعقد جلسة خاصة مع لاعبي الفريق قبل مواجهة الأهلي لتحفيزهم ‘‘
وانهى مرتضى منصور اجتماعه مع اللاعبين بعد تعهدهم على بذل قصارى جهدهم من اجل الفوز على الاهلى ومصالحة الجماهير البيضاء .
يذكر ان مرتضى منصور رئيس نادى الزمالك سوف يجتمع الان مع احمد حسام ميدو المدير الفنى للفريق بعد انتهائه من اجتماعه مع اللاعبين .
