انهى باسم مرسى مهاجم نادى الزمالك الخلافات التى انتشرت فى الاونة الاخيرة بينه وبين الاعلامى خالد الغندور نجم نادى الزمالك السابق .
و نفى باسم مرسي مهاجم الفريق توجيهه أي إهانة إلى الإعلامي خالد الغندور وذلك عبر حسابه الشخصي على موقع التواصل الإجتماعي "إنستجرام".
وقام اللاعب بنشر صورة عبر صفحته على "إنستجرام" قائلا:
يا جماعة أنا أول مرة أرد على صورة فيك أو حاجة زى دى بس لما توصل للمنظر ده لازم أرد وأوضح أن فى شوية متخلفين وناس حابة تصطاد فى المياه العكرة أنا نزلت صورة وعملت تاج لصحبى كله طلع قال إنى بوجه كلامى لكابتن خالد وعملوا فتنة ودلوقتى عاملين صورة فيك متصورينها من زمان والدليل أن قصة شعرى كانت باينة امبارح عاملة ازاى ودلوقتى مطلعين صورة قديمة ومخلينى أعمل حركة مهينة ومدخلين كابتن خالد تانى فى الموضوع كابتن خالد أخويا الكبير و بحترمه وهو أكيد عارف حاجة زى دى كويس ومفيش حاجة من التفاهات دى هتعمل فتنة بينى وبين أى شخص , نادى الزمالك ليه فضل عليا واللى مش عايز يصدق عنه ما صدق بس اصحووو ليغفلونا، واينو ملوش ذنب فى أى حاجة مش فى كل حاجة تدخلوه فى جملة مفيدة .
واكد باسم انه لايستطيع توجيه اى اهانة لكابتن خالد الغندور او اى زملكاوى .
يذكر ان خالد الغندور اكد عبر برنامجه التلفزيونى انه لن يهاجم اللاعب من الاساس وانه كان ينصح باسم لانه احد مهاجمى منتخب مصر وانه يوجه كلامه ايضا لعمرو جمال واحمد حسن كوكا .
وكان باسم مرسى قد تعرض لانتقادات شديدة من الاعلامى خالد الغندور بسبب تسريحة شعره التى ظهر بها خلال مباراة المقاولون العرب , مما ادى الى رد اللاعب عليه .
