شهد إجتماع مرتضي منصور رئيس الزمالك مع لاعبى الزمالك بعض الخروج عن الحديث فى كرة القدم و تحدث مرتضي منصور مع لاعبى الزمالك على الإلتزام خارج الملعب.
و قال مرتضي منصور للاعبى الزمالك الإلتزام و الإستقرار هام جداً للاعب كرة القدم و توجه بالإسئلة إلى لاعبى الزمالك دونجا و على جبر و قال لهم " إتجوزتوا ولا لا؟ ، ليُجيبا بـ لا.
ثم عمم مرتضي منصور السؤال و قال للاعبي الزمالك مين لسه متجوزش ليرفع مُعظم لاعبى الزمالك يدهم و من ضمنهم نجم و قائد الفريق شيكابالا.
ليتوجه منصور بالسؤال للأباتشي قائلاً له " وأنت ليه متجوزتش يا شيكابالا لحد دلوقتى؟" ، ليرد اللاعب ساخراً " مستنى أخت معروف يوسف تيجى من نيجيريا" ليُثير ضحكات لاعبى الزمالك.
و قال منصور لإسلام جمال و أنت لسه بتدخل على الفيس بوك بتاع البنت أياها و لا لا اللى عرفك عليها كهربا؟ ليرد اللاعب " و الله أنا ما أعرفها أصلا".
ليرد رئيس الزمالك " أنا عارف كل حاجة و أنت دخلت على بروفايل هبة بتاعت الطيران" ليضحك جمال و يرد " هو أنت بتعرف كل الحاجات دى إزاى يا ريس؟".
و يُنهى منصور حديثه مع اللاعبين قائلاً لهم عليكم و الإلتزام خارج الملعب و كل سنة و أنتم طيبين بمناسبة المولد النبوي الشريف.
