في شوية قطع متناثرة اعتقد لو جمعناها مع بعض ممكن نحصل على صورة
1- بعد إصابة الشناوي خرجت أقاويل عن الضغوط النفسية اللي بتتسبب في إصابة الشناوي و دي أول مرة أسمع تشخيص علمي بيتقال بشكل غير علمي و بدون كشف او فحص او تجربة بالشكل ده .. كان ممكن حد يتهم الأحمال البدنية مثلا اللي تعرضلها الشناوي بس قبل ما ده يحصل تم التقفيل بسرعة على أي كلام يخص الأحمال البدنية بقصة الضغوط .. بالمناسبة قصة الضغوط خرجت من جوه المعسكر من الجابون مش من مصر
2- إصابة الشناوي سبقها إصابة إكرامي و هي إصابة عضلية برضه و لما طلع بعض الناس منهم العبد لله سأل "مش غريبة شوية إصابتين عضليتين للحارسين الأول و التاني؟" السؤال ده واضح انه حرك المياة الراكدة في بعض العقول و بدأوا يسألوا هما كمان و الأسئلة بتتعب لإنها بتكشف زي ما احنا عارفين فلازم نقفل حنفية الأسئلة دي.
3- لما كثرت الأسئلة عن إصابتين عضليتين ل2 من 3 بيلعبوا في نفس المركز و بيتدربوا نفس التدريبات خرج إمبارح التصريح المثير بتاع ان شريف اصلا مش مصاب و كأنه هروب استباقي من سؤال ازاي 2 من 3 مصابين .. اللي هو شريف مش مصاب و الشناوي ضغوط فمفيش داعي حد يسأل عن الأحمال البدنية بقى
4- لما يخرج شريف اكرامي بنفسه انهاردة يكدب التصريحات و يقول لأ انا مصاب و بشتغل مع الجهاز الطبي فده بيجمع الصورة في دماغي الى حد كبير.
شريف مصاب يبقى لمصلحة مين يتقال انه مش مصاب هل لإبعاد أي شبهة عن احتمالية وجود خطأ في الأحمال التدريبية؟
لو وصلنا للناس ان شريف مش مصاب اصلا و الشناوي مصاب عشان الضغوط يبقى متسألوش ولا تناقشوا الأحمال التدريبية بقى.
طيب هل انا كده بتهم الأحمال البدنية؟.
لأ انا مشوفتهاش و انا مش متخصص اصلا للحكم على حاجة زي دي لكن زي ما قلتلكم القطع المتناثرة دي لما تجمعها عقلك غصب عنه بيرسم صورة كاملة
