بفرض ان ايناسيو مش مقتنع بأيمن حفني
انا من المؤيدين جدا لفكرة ان المدرب يعمل اللي هو شايفه لو كنا عايزينه ينجح لكن لازم اكون حاطط في اعتباري ان نجاح المدرب نفسه امر مش مضمون ولما تصطدم سياسته بلاعب يصعب تعويضه يبقى لازم الموضوع يتدرس ميتاخدش بسهولة كده .. لازم يتسأل ايناسيو:
- انت ليه مش عايزه؟
- ايه يضمنلك ان قناعتك مش مبنية على اسباب مؤقته هتنتهي و يرجع اللاعب لطبيعته؟
- كام ماتش اتفرجته على ايمن حفني قبل هبوط مستواه و قبل توليك المسؤولية؟
- هل في شيء عايز تطبقه و حفني مبيطبقوش؟ لو الإجابه آه طيب مبيطبقوش غصب عنه و ممكن يشتغل عليه ولا هو اللي بيعند و عايز يلعب من دماغه؟.
و اسئلة تانية لازم تتسأل و تتناقش عشان تتأكد ان حفني فعلا عقبة في طريق الراجل و لو كانت اسباب و اجابات ايناسيو كلها مقنعة لازم الكلام يتنقل لحفني نفسه و يتقاله انت قدامك فرصة لغاية نهاية الموسم مثلا تثبت فيها انك قادر تكون جزء من استراتيجية الراجل لأن هو المدرب و الرهان الأكبر عليه قبل اي لاعب.
لو باءت كل المحاولات دي بالفشل يمشي لأن مفيش حد في نظري اهم من المدرب لو كنا عايزين ننجح
الكلام السابق ينطبق في رأيي على حفني و طارق حامد و علي جبر و الشناوي و باسم لأن دول اعمدة دول اعمدة الفريق الفائز بالدوري و الكاس و المتأهل لسيمي فاينال كونفدرالية و فاينال شامبيونزليج و اللي اثبتوا (قبل فترة الأنهيار الكبير) قدرة على صناعة الفارق لفترات طويلة في مناسبات كتير مش مجرد إجادة في المناسبات او ماتش كويس كل فترة (انا بتكلم عن فترة ما قبل الأنهيار الكبير او بتعبير تاني فترة ما قبل رحيل فيريرا)
كل كلامي ده بـ "فرض" ان ايناسيو فعلا مش عايز حفني.
