عارف يعنى إيه جماهير صابرة على فريق مش بياخد بطولات فى العشر سنوات الأخيرة و فى تزايد مستمر ليس فى العدد فقط ، بل أيضاً الحُب و التشجيع للنادى؟!.
عارف يعنى إيه جماهير بتسيب أهلها و أعمالها و تأتى ورائك فى كل مكان فى مصر كان أو خارج مصر لتشجيعك؟.
عارف يعنى و أنت متأخر فى مباراة لا يجب فيها سوي إنك تسن سنانك لأكل الخصم مع النجيلة للتأهل ، و مع ذلك تلعب بكل برود و الجماهير تشجعك؟.
عارف يعنى إيه بتلعب على أرضك و وسط جمهورك مع فريق الدوري العام متوقف لديهم و يتعادل معك و يتأهل بدلاً منك؟.
عارف يعنى إيه أنت مش قادر تمد رجلك على الكرة و تلعب بسرعة؟ عارف يعنى إيه و أنت متأخر ماشي بتدلع فى الملعب و الجماهير على واقفه بتشوف الماتش من بيوتها و بيتحركوا مع الكرة؟.
مصطفى فتحى شارك كبديل و مش عايز يلتحم خوفاً على قدمه بعدما ذهب للإحتراف و نسي إن الزمالك و جماهيره هم من صنعوه ... عارف يعنى إيه الكلام ده؟!.
أحمد توفيق مع كل كرة سريعة مشتركة مش هاين عليه يدوس على نفسه و يضغط على الخصم ، شيكابالا قائد الفريق بيختفي مع كل مباراة كبيرة عارف يعنى إيه الكلام ده؟.
الكلام ده معناه إن الزمالك بيرجع تانى لفرق 2005 حتى 2013 و المجلس مُعجب و الجماهير فقط هى من تدفع الثمن ، فى إنتظار القرارات المُعتادة.
