يُعقد الان بمقر نادى الزمالك المؤتمر الصحفى الذى دعا الية مرتضى منصور رئيس النادى مؤكدا أنه ستكون هناك مفاجأه سعيده للجماهير البيضاء خلاله.
المؤتمر يعُقد بحضور علاء مقلد وشريفه الفار اعضاء المجلس وحازم ياسين امين الصندوق.
وجه مرتضى منصور رئيس نادى الزمالك حديثه الى فرج عامر رئيس سموحه قائلا له بالنص : اهدى شوية ، انا معنديش مشكلة أدفع فلوس سموحة، أنا محجوز على حساباتى.. لو عايز تأخد شيك دلوقتى معنديش مشكلة، بس مش هيتصرف الحجز هيتفك يوم الأربعاء تعالى خد فلوسك.
وفى سياق أخر تحدث مرتضى منصور عن مجدى العتال ونجله هانى العتال نائب رئيس مجلس ادارة نادى الزمالك قائلا : العضويات المزورة وفقا للائحة تعتبر باطلة وهناك حكم ببطلان عضوية مجدى العتال وهانى العتال وبالتالى ملوش عضوية عندى بصرف النظر عن أى حاجة تانية.
وتابع منصور حديثه : اللى لغى العضوية محكمة الجنايات ومادام العضوية مزورة يبقى كل العضويات المفصولة منها تبقى باطلة، وهانى العتال فصل عضويته 2005 بعد قرار التزوير.
وأشار مرتضى منصور إلى أن محكمة الجنايات أصدرت حكما ضد مجدى حجاج وأخوه سعيد حجاج بتهمة الاشتراك فى تزوير بعض الأوراق الخاصة بأعمالهم الخاصة، وتم إصدار حكم على مجدى وشقيقه سعيد بالحبس مع الشغل والنفاذ، وبالتالى عضويته غير سليمة لأنه كان مخبى الحكم ده وفقا للائحة ميبقاش عضو فى النادى، وتم تنفيذ الحكم فى سجن المرج.
وعن الاقاويل التى تتحدث عن محاربته لهانى العتال بسبب نجله أحمد قال منصور نصا : أنا مبعملش كده عشان ابنى أحمد اللى هو عضو مجلس نواب ورغم كده هو اللى جاب جروس وهو وأمير اللى بيتفاوضوا مع اللعيبة رغم أنهم بره النادى.
