خرجت الفنانة سما المصرى برد نارى على تركى ال شيخ عقب تصريحات الأخير ضد اتحاد كرة القدم المصرى عقب تعادل فريقه بيراميدز مع الجونة ايجابيا.
جاء رد سما المصرى بسبب ان ال شيخ قال أن اتحاد كرة القدم المصرى متفرغ فقط للرد على سما المصرى .. حتى نطق اسمها خطا حيث ذكرها بمها المصرى.
فخرجت سما المصرى عبر انستجرام لتقول الأتى: أنا اسمي سما المصري مش مها المصري.. وأنت زعلان عشان اتحاد الكرة رد عليا وماردش عليك، وطالع تقول إنهم بيردوا بس على مها المصري أولا الاتحاد رد عليا عشان قدمت طلب رسمي لهم، وثانيا عشان الرأي العام كله طلب منهم يردوا.. حضرتك اتفضل قدم لهم طلب رسمي زي ما أنا عملت وهم هيردوا عليك علطول.. عندنا في مصر محدش أحسن من حد، ومحدش بيسقع لحد ولا بيطنش طلبات حد، ممكن أي مؤسسة في البلد تتأخر في الرد على طلبات الناس لكن في الآخر بيردوا، مؤسسات مصر مؤسسات محترمة.. اطلب من الاتحاد اللي أنت عايزه بطلب رسمي مش عبر شاشات التلفزيون وأوعدك هيردوا عليك، ولو ماردوش ابقى ابعته ليا وأنا أوصله ليهم وأوصيهم إنهم يردوا.. عندنا روتين وبطء صحيح في البلد كلها، بس في الآخر لك حق هتاخده زي أي واحد عايش في البلد دي عشان دي جمهورية مصر العربية.. مصر فقيرة آه بس عندنا دم وكرامة وما يصحش تتكلم عن مؤسسات مصر بالشكل ده، أنت ضيف على راسنا من فوق تكرم عشان خاطر السعودية وأهلها الكرام، لكن ماتجرحش فينا عشان بتدعم وتستثمر في الرياضة.. ياجماعة كله يدعم هاشتاج #ردوا_علي تركي_آل_شيخ عشان الاتحاد يرد عليه زيي عشان ما يزعلش
