كشف خالد الغندور نجم الزمالك السابق الموقف الحالى وما يدار بسبب محاولات ترتيب جدول مباريات الدورى وفقا لأهواء شخصية.
الغندور كتب على فيس بوك قائلا "مصر كلها عارفة ان الدوري هينتهي بعد بطولة الامم و الكلام ده من شهور فاتت و لكن بعد خروج الاهلي من دور الثمانية و فوزه في جميع اللقاءات و سعي بعض الاعلاميين لحساب الوقت الضايع يبقي الوضع كما هو الي ان يتعادل الاهلي فتتغير الدنيا تماماً و فجأة لازم الدوري ينتهي قبل كاس الامم طيب سؤال لو الاهلي وصل لنهائي افريقيا كان ايه الوضع و لا ذنب الزمالك انه مكمل في البطولة الافريقية طيب سؤال مبدأ العدالة كان موجود لما تم تأجيل ١٠ مباريات طيب العدالة كانت موجودة لما تم لعب المؤجلات بدون ترتيب الأضعف ثم الاقوي بعد فترة الانتقالات الشتوية طيب العدالة كانت عيب لما طلب بيراميدز لعب الاهلي و الزمالك مع بعض و ان ازاي بيراميدز يلعب مع الاهلي و الزمالك دور اول و ثاني و هما لسه ما لعبوش دور اول و هو المنافس بتاعهم و ساعتها طلع البيان بتهديد بالانسحاب من الدوري و كمان رفض لعب مباراة الكأس في دور ال١٦ و اصرار الاتحاد علي رأيه و لكن تدخل الأمن و لغي المباريات لحفظ منظر و شكل الاتحاد و الغريبة دلوقتي ان الأخ المنيسي بيقول الاتحاد خايف من عليه الطلاق و ساعتها كان الاتحاد ايه وكانت العدالة فين للأسف الشيزوفرنيا شغالة و الخوف موجود خصوصا ان فرجاني و مصطفي فتحي راجعين بعد كاس الامم"
ولا يزال اتحاد الكرة عبر لجنة يرأسها أحمد شوبير يدرس موقف المباريات المتبقية فى الدورى وكيفية تسكينها فى ظل اعتراض كافة الأندية على المواعيد
