حرص أحمد عيد عبد الملك نجم نادي الزمالك الأسبق، الحديث عن نفسه كمشجع حاليًا، ردًا على بعض المشككين، حيث تعرض للهجوم الفترة الأخيرة.
وكتب "عيد" عبر صفحته الشخصية بموقع التواصل الاجتماعي "فيسبوك" : انا الزملكاوي الي احب اتفرج علي الماتش لوحدي .. واما يبقي في ماتش مهم ببقي مش عارف اكل ومتوتر .. والي يجي يكلمني وانا بتفرج علي الماتش اقوله طيب علي اي حاجة علشان يمشي ويسبني .. واما الزمالك يجيب جول بفضل متوتر علشان عارف اننا بندلع علطول مبنجبش التاني والتالت .. اما نخسر بفضل متعكنن لحد الماتش الي هنكسبه بعده.
وأضاف، واما نكسب البس وانزل واضحك واهزر .. انا الي ممكن اقعد علي القهوة وارد علي ١٠ في وقت واحد علشان دايماً بعرف اجيب حق الزمالك عن اقتناع .. وكل اما الزمالك يخسر او يتعسر بركز اكتر واحبه اكتر .. انا عارف اننا كزمالكوية كلنا بنبقي نفس الشعور علشان احنا بتوع كورة مش بنشجع بس.
وأتم، انا عارف اننا كزمالكوية كلنا بنبقي نفس الشعور علشان احنا بتوع كورة مش بنشجع بس .. كل ده عيشته واتعلمته في بيت كله زملكاوي ابويا الكابتن عيد الله يرحمه عيشني كل الاجواء دي في البيت والاستاد وتمرين الزمالك من وانا ٦ سنين .. العشق والحب والشغف مبيجيش من فراغ .. احنا الزمالك بتاريخنا وحاضرنا ومستقبلنا .. الزمالك لجمهوره الزمالك لينا الزمالك بتاعنا .. احلي واجمل واصعب اختيار في الدنيا.
