|
فى لقاء تليفزيونى مع برنامج "
نايت شو " على قناة ميلودى سبورتس تطرق عمرو الجناينى عضو مجلس إدارة نادى
الزمالك إلى عدة قضايا هامة تتلخص فى الآتى :-
- اللى عاوز يخدم نادى الزمالك يخدم فى أى مكان وأنا مش عاوز حاجة من النادى ومحاولتش أبقى نائب رئيس بعد رؤوف جاسر لإنى راجل مشجع ماليش وقت ولا خُلق للمنصب ده .
- كنت مرهوب من ماتش المغرب الفاسى لكن الجهاز الفنى الرائع واللاعيبة الرجالة طمنونى وحسن شحاتة كان دايماً يقول هنكسب إن شاء الله مش هنتعادل أو هنحقق نتيجة إيجابية .
- إستقبال الناس هناك كان رائع ومجهود رجال السفارة والسفير أبو بكر حفنى فوق الوصف .
- كامل أبو على " أبو الرجال " ومفاوضات لاعبى المصرى مجرد مناقشات ودردشة مفيش حاجة رسمى , إحنا مش بنخبى لاعيبة ولا نقفل تليفوناتها وعمرنا ما بنجيب لاعب إلا لو كان حسن شحاتة عاوزة .
- بحثنا عن بروتوكول للتعاون بين الطرفين بما يعود بالنفع على المصرى والزمالك واللاعب , والزمالك خير من يحفظ لاعبى المصرى لإن نادى الزمالك كان بيت أندية القناة ساعة النكسة .
- إلغاء الدورى خلى الأندية تفقد 70% من إيراداتها ومع ذلك هى مطالبة توفى بـ 100% من إلتزاماتها .
- ميدو إتظلم فى مشكلة القيد الأفريقى وأُحبط لكن هو أسرع واحد يرجع فى الدنيا بإصراره وعزيمته ورجوله , ولازم يرجع التمرين وبعدها كل حاجة مقدور عليها .
- موقف عمرو زكى شخصى تماماً وأنا بشكره عليه وكلنا بنحاول نقول إننا بنحب نادى الزمالك .
- عبد الشافى لاعيب مؤدب ومحترم وملتزم وزى البحر أما تقعد أدامه مبيتكلمش , ومن الموسم الجديد هنعمله عقد جديد يناسب إمكانياته .
- عبد الواحد السيد علاقته بالزمالك أبدية وهو أكتر واحد مقدر ظروف النادى وعارفها وهو عاوز يوصل إنه يبقى رئيس نادى الزمالك .
- شيكابالا إتظلم فى سفرية أبيدجان لإنه كان مصاب فعلاً لكن المشكلة إنه قفل تليفونه ومراحش للجهاز الفنى ودى غلطة منه لإنه بيتعامل ببساطة شديدة بتوقعه فى حاجات صغيرة لو بيتعامل كـ " نجم " مش هيقع فيها .
- الزمالك هيبقى قوى إعلامياً , وقناة النادى على وشك خلاص .
- سيد معوض كان موقع معانا مرتين ولما رجع من تركيا قال عاوز الأهلى إديناله عقوده , وشيكابالا مكانش عاوز يروح الأهلى وقالهم إنه لو قاعد إحتياطى فى ماتش أهلى والزمالك والزمالك جاب جون هيهيص ! .
شاهد الفيديوهات
|
