|
فى لقاء تليفزيونى مع برنامج "
الكورة وشوبير " الذى يُقدمه الإعلامى أحمد شوبير على قناة مودرن سبورت
تطرق العميد أحمد حسن لاعب الفريق الأول لكرة القدم بنادى الزمالك لعدة
أمور هامة وتلخص حواره فى الآتى :-
- مفاوضاتى مع الزمالك بدأت مع حسام وإبراهيم , ووجود حسن شحاتة كان من أسباب تعاقدى مع الزمالك , ومفكرتش أمشى لما قعدت إحتياطى .
- مفيش مشكلة مع حسام حسن وهو قيمة كبيرة وإتشرفت إنى لعبت جمبه وإتعلمت منه فى الملعب حتة الروح والإرادة , لكن اللى زعلنى بس حتة إنهم يقولوا ممكن يكون أحمد حسن راح المنتخب بضغط من الرعاة أو كلام من ده , وأنا فرحت أما حسام خد عميد لاعبى العالم وبدأت وقتها أفكر إنى أعمل زيه رغم إن الفكرة مجتش فى دماغى وبدأت تراودنى إلا من 3 سنين بس .
- علاقتى طيبة بشيكابالا والمشكلة إن الكابتن أسامه نبيه زود فى الوقت شوية وإتعادلنا وإحنا بنتفق على عزومات يعملها الفريق الخسران للكسبان .
- اللى عاوز ينتقدنى ينتقد آدائى , لكن مش معقول بعد 20 سنة لاعب محترف وبطولات وإنجازات وييجى واحد يقولى إنت كده بترد على المشككين .
- محمود الجوهرى هو أفضل من تدربت على يديه وأكثر المدربين تأثيراً فى حياتى .
- بشكتاش أفضل نادى إحترافت بيه وضافلى كتير .
- أحسن جائزة أخدتها أفضل لاعب داخل قارة أفريقيا 2008 , وأغلى البطولات بطولة أفريقيا مع الأهلى , ومش ندمان إنى رجعت مصر ولعبت فى الأهلى , ورحيلى عن الأهلى مكانش دافع ليا إنى أروح الزمالك .
- لم أعانى فى التعامل مع أى مدرب بما فيهم مانويل جوزيه .
- أتمنى اللحاق بكأس العالم ومش عاوز الناس تعاقبنى على طموحى لإن كأس العالم بالنسبة حلم مشروع طالما بجتهد ومدرب المنتخب شايفنى أقدر أفيد الفرقة لو بقيت موجود .
- أتمنى الإنضمام للمنتخب الأوليمبى فى الأوليمبياد ده شئ يشرفنى ويسعدنى لكن القرار فى الأول والآخر للجهاز الفنى , وأنا لما إنضميت قبل كده كانت فكرة متبادلة بينى وبينه والحمدلله هو قال إحنا إستفدنا بوجود أحمد حسن أكتر ماهو إستفاد من اللعب معانا .
- توقف النشاط المحلى كارثة وهيكون ليها تبعات طويلة المدى على الكرة المصرية فى المستقبل .
شاهد الفيديوهات
|
